ಕೋವಿಡ್ ಭೀತಿಯ ನಡುವೆ ಅಶಕ್ತರ ನೆರವಿಗೆ ನಿಂತ ಹಾಂಗ್ಯೊ

ಮಂಗಳೂರು, ಮೇ 02, 2021: ಕೋವಿಡ್‌ 19 ಸಾಂಕ್ರಾಮಿಕ ದೇಶವನ್ನೇ ತಲ್ಲಣಕ್ಕೀಡು ಮಾಡಿರುವ ಈ ದಿನಗಳಲ್ಲಿ, ಹಾಂಗ್ಯೊ ಕಂಪನಿಯು ಸಮಾಜದ ಅಶಕ್ತ ಮತ್ತು ಅಸಹಾಯಕರ ನೆರವಿಗೆ ನಿಂತಿದೆ.

ವಿನೂತನ ರೀತಿಯಲ್ಲಿ ಹಾಂಗ್ಯೊ ಕಂಪನಿ ಯು ತನ್ನ ಸಾಮಾಜಿಕ ಜವಾಬ್ದಾರಿ ಕಾರ್ಯಕ್ರಮದ ಭಾಗವಾಗಿ ಅಶಕ್ತ, ನಿರ್ಗತಿಕರಿಗೆ ಊಟ ನೀಡುವುದಕ್ಕೆ ಮುಂದಾಗಿದೆ.

ಹೀಗಿದೆ ಕಾರ್ಯ ಯೋಜನೆ:

ಯಾರಾದರೂ ಹಾಂಗ್ಯೊದ https://shop.hangyo.in ಮೂಲಕ ಪೂರ್ವನಿರ್ಧರಿತ ಪ್ರಮಾಣದ ಉತ್ಪನ್ನಗಳನ್ನು ಖರೀದಿಸಿದರೆ ಆ ಮೊತ್ತದ ನಿಗದಿತ ಭಾಗವನ್ನು ಅಶಕ್ತ ಮತ್ತು ಅಸಹಾಯಕರ ಊಟಕ್ಕೆ ನೀಡಲಾಗುವುದು.

ಮಂಗಳೂರಿನ ಯೂತ್‌ ಆಫ್‌ ಜಿಎಸ್‌ಬಿ (Youth of GSB) ಮತ್ತು ಕಾಸ್‌ (CAUSE) ಸಂಘಟನೆಗಳು ಈ ಪ್ರಯತ್ನಕ್ಕೆ ಸಹಕಾರ ನೀಡುತ್ತಿವೆ.

ಇಡೀ ವಿಶ್ವವನ್ನೇ ಅಲ್ಲೋಲಕಲ್ಲೋಲಗೊಳಿಸುತ್ತಿರುವ ಕೋವಿಡ್‌ ಜನರನ್ನು ಕಂಗೆಡಿಸಿದೆ. ಕೋವಿಡ್‌ ಎರಡನೇ ಅಲೆ ಇದುವರೆಗೆ ಕಂಡು ಕೇಳಿರದ ರೀತಿಯಲ್ಲಿ ಭಾರತವನ್ನು ಅಪ್ಪಳಿಸಿದೆ. ಈ ಹಿನ್ನೆಲೆಯಲ್ಲಿ ಹಾಂಗ್ಯೊದಿಂದ ಖರೀದಿಸುವ ಉತ್ಪನ್ನಗಳು ಈ ಮೂಲಕ ಸಮಾಜದ ಅಶಕ್ತರ ಮತ್ತು ಅಸಹಾಯಕರ ನೆರವಾಗಲಿದೆ.

“ಜನರ ಮುಖದಲ್ಲಿ ಸಂತಸ ತರುವುದು ಇದರ ಉದ್ದೇಶ. ನಮ್ಮ ಸಂಸ್ಥೆಯಿಂದ ಇದು ಒಂದು ಚಿಕ್ಕ ಸೇವೆ,” ಎಂದು ಸಂಸ್ಥೆಯ ವ್ಯವಸ್ಥಾಪಕ ನಿರ್ದೇಶಕ ಪ್ರದೀಪ್‌ ಜಿ.ಪೈ ತಿಳಿಸಿದ್ದಾರೆ