ಯೋಗೀಶ್ ಪೂಜಾರಿ ವಾರಸುದಾರರಿಗೆ ಪರಿಹಾರ ಧನ ಹಸ್ತಾಂತರಿಸಿದ ರಘುಪತಿ ಭಟ್
ಉಡುಪಿ, ಫೆ 09, 2021: ಇತ್ತೀಚೆಗೆ ದುಷ್ಕರ್ಮಿಗಳಿಂದ ಹತ್ಯೆಗೀಡಾದ ಲಕ್ಷ್ಮೀನಗರ ತೆಂಕನಿಡಿಯೂರಿನ ಯೋಗೇಶ್ ಪೂಜಾರಿಯವರ ವಾರಸುದಾರರಿಗೆ ಶಾಸಕ ಕೆ. ರಘುಪತಿ ಭಟ್ ಅವರ ಶಿಫಾರಸ್ಸಿನ ಮೇರೆಗೆ ಮುಖ್ಯಮಂತ್ರಿ ಪರಿಹಾರ ನಿಧಿಯಿಂದ ರೂ. 1.00 ಲಕ್ಷ ಮೊತ್ತ ಮಂಜೂರಾಗಿತ್ತು.
ಶಾಸಕ ರಘುಪತಿ ಭಟ್ ಪರಿಹಾರದ ಚೆಕ್ಕನ್ನು ಫೆ 8 ರಂದು ಯೋಗೀಶ್ ಪೂಜಾರಿ ಮನೆಗೆ ತೆರಳಿ ಅವರ ತಂಗಿ ಸುಲಕ್ಷ ಅವರಿಗೆ ವಿತರಿಸಿದರು.
ಈ ಸಂದರ್ಭ ಬಿಜೆಪಿ ಶಕ್ತಿ ಕೇಂದ್ರದ ಅಧ್ಯಕ್ಷರಾದ ವಿಜಯಪ್ರಕಾಶ್, ತಾಲೂಕು ಪಂಚಾಯತ್ ಉಪಾಧ್ಯಕ್ಷರಾದ ಶರತ್ ಬೈಲಕೆರೆ, ಪಂಚಾಯತ್ ಸದಸ್ಯರಾದ ಪ್ರದೀಪ್ ಶೆಟ್ಟಿ, ಪುಷ್ಪಾ, ಸ್ಥಳೀಯರಾದ ಸುನಂದ ಶೆಟ್ಟಿ, ರಂಜಿಪ್ ಶೆಟ್ಟಿ, ಹರೀಶ್ ಲಕ್ಷ್ಮೀನಗರ, ಸುಧಾಕರ ಪೂಜಾರಿ ಮತ್ತಿತರರು ಉಪಸ್ಥಿತರಿದ್ದರು.
